--------------------
زندان ستمی سالدی منی جاندان الهی
شهادت حضرت امام کاظم علیه السلام
#گریز به #وداع امام حسین (ع)
.
✍️ زبده الاشعار ✍️
.
🆔: @sarmashg_channel
.
مرحوم #عاصی_تبریزی
.
زندان ستمی سالدی منی جاندان الهی
قورتار منِ مظلومی بو زنداندان الهی
.
هر قدری جفا ایلوری هارون منه دویمور
تندن ستم و ظلم و جفا رختینی سویمور
آسوده قالام گوشه ی زندانیده قویمور
ال چکموری بیداد فراواندان الهی
.
ایستردیم همیشه بیله بیر منزل خلوت
تا اینکه ایدم من سنه آسوده عبادت
آگاهسن ایلور منه هارون چوخ اذیّت
شرم ایتموری بو دیده سی گریاندان الهی
.
ساقِینیمی ازبسکه سیخوب حلقه ی زنجیر
یاره ایدوب الله، آخوری قانی، چوخ اینجیر
هارونه دین یوخ ایدوب آیا بو نه تقصیر
چارم کسیلوبدور داخی هر یاندان الهی
.
اوز ظلمی منی سهلدی جاندان ایلیوب سیر
ایلوبدی زبس سند جفاسی دله تاثیر
ویردیم اودور علّت که مناجاتیمه تغییر
دویدوم داخی بو عالم امکاندان الهی
.
قان باغلیوب آخِر اورگیم کثرت غمدن
قدّیم بوکولوب اولدی کمان بار المدن
دویمور گینه هارون ستم پیشه ستمدن
رنج و محنیم دلده گیچوب ساندان الهی
.
دوتدوردی او گونکه وطنیمده منِ زاری
قویموب او قدر بیر گوروم اولادیمی باری
حسرت اودی اودلاردی همیشه بو فگاری
تا فرصت اله دوشدی بو زنداندان الهی
.
آخِر نفسیم اوّل آمالیمه یتدیم
بو محبسین آخِر نچه دم ترکینی ایتدیم
آغلار گوزیله گورماقا اولادیمی گیتدیم
تودیع قیلام عترت نالاندان الهی
.
جمعیّتیمون حالی منی ایتدی پریشان
گوردوم ایله جاندان آپاروب محنت هجران
بعضیسی قویوب غم دیزینه باش ایدر افغان
بعضی یورولوب ناله و افغاندان الهی
.
من قیمادیم ایلوم یاتان اطفالیمی بیدار
اُپدوم یوخودا یوزلرین ای خالق قهّار
گوزیاشلی، جگر داغلی، الیم قلبیده ناچار
آیریلدیم او بیر جمع پریشاندان الهی
.
یاد اولدی گینه دلده خدا سرور مظلوم
ایستردی #وداع ایتسون حرم اهلین او مغموم
ایلردی ایله شور و نوا زینب و کلثوم
آلموشدولا…
👉 https://sarmashg.ir/mag/?p=31723 🌐
————————
#⃣ #اشعار_و_مدایح #زبده_الاشعار
@sarmashg_channel
🔘
🔗 دیدن متن کاملمشاهده مطلب در کانال
