--------------------
مریضه حالیمی یاخشی رعایت ائیلمیسن
خروج از مدینه
زبانحال حضرت صغری (س)
.
✍️ زبده الاشعار ✍️
.
.
مرحوم #عاصی_تبریزی
.
مریضه حالیمی یاخشی رعایت ائیلمیسن
منی بو وقتده قارداش عیادت ائیلمیسن
.
بو باشیم اوسته طبیبانه گلماقوندا یقین
قبول زحمت و رنج و مشقّت ائیلمیسن
.
بو نوعی گئج گلوب احوالیمی سوروشماقدا
مدینه یوسفی تاراج طاقت ائیلمیسن
.
بو آرزو اؤرگیمدیدی بیر گورم یوزیوی
عجب کونولدن علی دفع حسرت ائیلمیسن
.
سبب ندور که منی بیله سالموسان گوزدن
که قطع لطفیله ترک شفقّت ائیلمیسن
.
نه وار علی دئ گوروم گیموسن لباس سفر
هارا اراده سن ای ماه طلعت ائیلمیسن
.
او گول جمالیله قارداش تمام گوللردن
آلوبسان عطرینی سلب طراوت ائیلمیسن
.
محبّتون منه چوخدور اونی بولوردوم اؤزوم
سالوب ظهوره بو گون چوخ عنایت ائیلمیسن
.
او کسلریله که واردور سنون مُصاحبتون
اولاریدا علی صاحب ملاحت ائیلمیسن
.
ائدوب پیمبره بنزر جمالیوی ظاهر
مجاز اهلینی اهل حقیقت ائیلمیسن
.
چخوبدی خلق یادیندان وجاهت یوسف
که حُسن یوسفه حُسنونده سبقت ائیلمیسن
.
یقیناً «#عاصیه» قارداش محبّتون چوخدور
که لطف ائدوب اونی صاحب فصاحت ائیلمیسن
.
.
.
#خروج_مدینه
#حضرت_صغری
#مریضه_حالیمی_یاخشی_رعایت_ائیلمیسن
#ترکی
.
✍️ #زبدهالاشعار ✍️
.
ترکی حضرت_صغری خروج_مدینه زبدهالاشعار عاصی_تبریزی مریضه_حالیمی_یاخشی_رعایت_ائیلمیسن
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=31713 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۱۱/۳۰