--------------------
ای غم گونی غم دیده لرون پشت و پناهی
زبانحال حضرت امام کاظم علیه السلام
.
✍️ زبده الاشعار ✍️
.
.
اصغر #الماسی_اهری
.
ای غم گونی غم دیده لرون پشت و پناهی
جسمیم ارییب گوشه ی زنداندا الهی
.
.
آخر منی محبس سالاجاق جاندان الهی
چاره م کسیلوب نیلیوم هر یاندان الهی
قلبیم آلیشور آتش هجراندان الهی
قدّیم بوکولوب غملریمه اولدی گواهی
.
.
بو محبس بغدادیده یَم نه بیلنیم وار
غربتده نه ده بیر گئدنیم وار گلنیم وار
ئولسم گوزومی باغلیانیم نه کفنیم وار
بو گوزلریمین سنده قالوب تکجه نگاهی
.
.
وئر اذن ،صبا تئز قاپیمیزدان گذر ائتسون
معصومیه احوالیمی الان خبر ائتسون
ایستگلی رضا ایله گلوب بیر نظر ائتسون
بیلسونله چیخوب گویلره چوخ غملیدی آهی
.
.
بو سندیله هارون نقدر ظلم ائده دویمور
ظلمیله جفا رختینی بیلمم نیه سویمور
راحت منی بو گوشه ی زندانیده قویمور
خوش گونلریم آخر منیچون اولدی سیاهی
.
.
یوخ تاب و توان دورسام اَیاق اوسته ییخیلّام
بیر قوش کیمی هِی گوشه ی زندانه سیخیلّام
بستر یئری نمدی ایاقیم اوسته دولانّام
آمالیم الهی نه ایچون اولدی تباهی
.
.
ایکاش یارالی فاطمه امداده گلیدی
بو محبس بغدادیده امداده گلیدی
بیر الده کفن ایلیوب اماده گلیدی
اَل سینده گوز یاشی توکیدی رخ ماهی
.
#سبک_ای_باد_صبا_کرببلایه_گذر_ایله … ۷ سبک
.
.
.
#کاظمیه_شهادت
#ای_غم_گونی_غم_دیده_لرون_پشت_و_پناهی
#ترکی
.
✍️ #زبدهالاشعار ✍️
.
الماسی_اهری ای_غم_گونی_غم_دیده_لرون_پشت_و_پناهی ترکی زبدهالاشعار سبک_ای_باد_صبا_کرببلایه_گذر_ایله کاظمیه_شهادت
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=31710 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۱۱/۳۰