--------------------
الدن گئدوب خدیجه گویده ملک لر آغلار #حضرت_خدیجه #رضوی_زنجانی
رحلت حضرت خدیجه سلام الله علیها
.
✍️ زبدهالاشعار ✍️
.
.
#سبک_احوالیمیز_یاماندی
#سبک_ای_ابکرین_مارالی ( با واگیر مناسب)
.
محمدرضا بیگلی
.
الدن گئدوب خدیجه
گویده ملک لر آغلار
ختم نبی پوزولموش
زهرای اطهر آغلار
.
.
بو غمده گلمسین دل
یاران نئجه فغانه
روح خدیجه قوش تک
پرواز ائدوب جناته
پیغمبر خدانون
قلبی دؤنوبدی قانه
گوز یاشینی توکردی
آغلاردی یانه یانه
زهرا دییر آنام وای
طاها و حیدر آغلار
.
.
قلب رسول اکرم
غمله دولار دمادم
غرق یم مصیبت
اولموش شه دو عالم
آماج تیر محنت
اولدی او فخر آدم
یومّوش گوزون خدیجه
عالم دوتوبدی ماتم
آغلار صفای جنّت
عالم سراسر آغلار
.
.
بیر گون دئدی خدیجه
ای خلقته عصاره
اسپهر دین حقده
ای بی بدل ستاره
وار خواهشیم کرم قیل
مولا بو بی قراره
ایله کفن عباوی
قوی جسمیمی مزاره
وار قبریدن هراسی
زهرایه مادر آغلار
.
.
پوزدی همین وصیت
اول جنتین صفاسین
الدن وئرنده مولا
اول درّ پربهاسین
قیلدی او کان جوده
طاها کفن عباسین
قویدی مزاره گریان
اوز یار باوفاسین
پیغمبرین اولوبدی
احوالی مضطر آغلار
.
.
گل تک صولوبدی رنگی
بو درد آیریلیقدان
قلب شریف طاها
غم غصه دن اولوب قان
شمس سپهر خلقت
حالی اولوب پریشان
الدن گئدوب امیدی
اولموشدی دیده گریان
عمامه سین گوتورموش
باشدان او سرور آغلار
.
.
زهراده بیر طرفده
اوخشاردی اؤز آناسین
ای وای آنا دینده
آغلاردی آل یاسین
کم سنّیله الیندن
وئردی او دل صفاسین
هئچ کیمسه گورمیوبدی
بو عالمین وفاسین
مادر مصیبتینده
زهرای اطهر آغلار
.
.
دلدن گلر فغانه
هی سسلنر آنام وای
لرزه سالار جهانه
هی سسلنر آنام وای
اول گوهر یگانه
هی سسلنر آنام وای
ایلر خانم بهانه
هی سسلنر آنام وای
بو غمده باشه سالمیش
بیر قاره معجر آغلار
.
.
#الدن_گئدوب_خدیجه_گویده_ملک_لر_آغلار
#ترکی
.
✍️ #زبدهالاشعار ✍️
.
🆔:…
👉 https://sarmashg.ir/mag/?p=33628 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۹/۰۲/۱۷