سرمشق انتظار

--------------------

همسر دلسوز و پاک حضرت ختمی مآب #حضرت_خدیجه #محمدی_ناعم

در مدح و وفات حضرت خدیجه سلام الله علیها

.

✍️ زبده الاشعار ✍️

.

🆔: @sarmashg_channel

.

محمدی (ناعم)

.

همسر دلسوز و پاک حضرت ختمی مآب

اولین بانوی مسلم،گوهرتقواسی ناب

افتخاربانوان،عفت شعار،عصمت نقاب

نام نیکوسی خدیجه،مصطفانون همسری

هرکشاکشده حمایت ایلین پیغمبری

.

.

حامی ختم رسالت، مظهرشوروشعور

بانوی بیت نبوت،مهربان قلبی صبور

حقی تسبیح ایلینده،مه جمالی غرق نور

ساقی وحدت الیندن،بادهٔ عزت ایچن

دین اسلامین یولوندا،ملک ومالیندن کئچن

.

.

بیرعقیله عورتیدی ،ذی حشم، ذوالاحترام

آسیه،مریم کیمی،نیکوسیَر،والامقام

گوندرردی محضرینه،خالق منان سلام

دامنی دانشگه حجب وحیاومعرفت

حضرت زهرانی ائتدی دامنینده تربیت

.

.

ییرمی دوردایل همسراولدی حضرت پیغمبره

هرنئیندن ال چکوبدور،تابع اولدی رهبره

آخرین گونلرمریض اولدی، دوشوبدوربستره

احمدمرسل گلوب،بالینینه دل داغلادی

اولدی هجرانه مهیا،آه چکدی آغلادی

.

.

ناگهان باخدی خدیجه عرض قیلدی آغلاما

گل عذاره جان زهرا،سیل اشکین باغلاما

چیخمیوب روحیم بدندن،ایندیدن دل داغلاما

آیریلاقسمت بئلیمیش گل داخی گلزاریدن

فصل هجراندور،گرک،یارآیریلا دلداریدن

.

.

آزبوآغلارحالیله،غرق ملال ایله منی

بووصایامی ائشیت،صاحب جلال ایله منی

خدمتیم آزاولدی،دلداریم،حلال ایله منی

واردی بیرغم سینه ده،غرق فغانم یانبی

نیلیوم،زهرابالامدان،ناگرانم یانبی

.

.

یارسول الله،گل رعنانی تاپشوردوم سنه

یاخشی ساخلا،گوهراعلانی تاپشوردوم سنه

عمرومون سرمایه سی،زهرانی تاپشوردوم سنه

قویماغرق اولسون ملاله،سِرِّحقون محرمی

هرمصیبتدن چتیندوربوآناسیزلیق غمی

.

.

امته ایله سفارش،قدری مجهول اولماسین

گلشن خلقت گلی،غم آفتیندن سولماسین

گوزلری آلام ومحنتدن،بلوط تک دولماسین

آغلاسازهرا اگر،گویده ملکلر آغلیار

گولمسه زهرا،خدا باب بهشتی باغلیار

.

.

.

#همسر_دلسوز_و_پاک_حضرت_ختمی_مآب

#ترکی

.

✍️ #زبدهالاشعار ✍️

.

🆔: @sarmashg_channel

ترکی حضرت_خدیجه زبدهالاشعار محمدی_ناعم همسر_دلسوز_و_پاک_حضرت_ختمی_مآب

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.

اشعار و مدایح

زبده الاشعار

👉 https://sarmashg.ir/mag/?p=33643 🌐
————————
#⃣ #اشعار_و_مدایح #زبده_الاشعار

@sarmashg_channel

مشاهده مطلب در کانال