--------------------
فکر ایله گور بو عالمه گلدون نه علّته #مناجات #پندیات #منعم_اردبیلی
پندیات – مناجات
.
✍️ #زبدهالاشعار ✍️
.
.
مرحوم منعم اردبیلی
.
فکر ایله گور بو عالمه گلدون نه علّته
تفریحه لذته یئمگه یا سیاحته
.
بیر بسته قانیدون آنا بطنینده دربدر
تدریجیلن سوموکلروی بوکدولر اَته
.
بعداً چکیلدی صورت زیبای آدمی
احسن او صورتی چکنه احسن او قدرته
.
دوقّوز آی آلتی گون که اوتوردون او بطنیده
یدّیمجی گون دوشوب بدنون آیری حالته
.
دوندون یاواش یاواش باشی اوستونده اگلشوب
دؤندرمسه اگر دوشر انسان هلاکته
.
قولّار سینار آیاق دولاشار بطن مادره
صد مرحبا درودِ فراوان او حکمته
.
گلدون ائلیکه عالم دنیایه سرنگون
دولدوردی دؤشلرین آناوین شهد شربته
.
قاندان چکوب صودی سنیچون وئردی رایگان
تعلیم ائدوب دیل آچماقی اورگتدی صحبته
.
آب و غذا وئروب ائلدی تازه بیر جوان
اؤزگه قیزین حلال ائلدی گَتدی الفته
.
هرگون ایگیرمی مین گالن اکسیژن و هوا
مصرف ائدوب ییورسن اوغول گئتمه غفلته
.
باخ گور بو نعمتون عوضینده نه ایستیور
یوخ حاجتی نه مُلکه نه ماله نه دولته
.
هرگون دیور دایان قاباقیمدا باخوم سنه
قهر ایلمه منیله دانیش گل عبادته
.
پاک اولماق ایستورم سنی تا قالخیزام گوگه
ظلمات اَرضیدن آپارام باغ جنته
.
#فکر_ایله_گور_بو_عالمه_گلدون_نه_علته
#فارسی
.
✍️ #زبدهالاشعار ✍️
.
پندیات ترکی زبدهالاشعار فارسی فکر_ایله_گور_بو_عالمه_گلدون_نه_علته مناجات منعم_اردبیلی
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=33613 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۹/۰۲/۱۶