--------------------
یاراسینی آقانون ایندی باغلوری زینب #حیدریه #عینی_فرد_زنجانی
شهادت حضرت امیر المؤمنین علیه السلام
.
✍️ زبدهالاشعار ✍️
.
.
حاج غلامرضا عینی فرد زنجانی
.
یاراسینی آقانون ایندی باغلوری زینب
اُپنده یاره سینی بیردن آغلوری زینب
.
دیردی وای باباجان زینبون اُلیدی سنون
نولوردی اهل جهان قدریوی بُلیدی سنون
.
باشیوا من دولانوم کیم وروب سنه شمشیر
شکار روبه اولوب بستره دوشوبدور شیر
.
ایاقه دورگیلان ای یر ئوزنده شیر خدا
دوشوب زمانه ده روباه الینه تیغ جفا
.
یتیملر باباجان آج یاتانماز ایله علاج
یاتانمازیدون آقا بیر نفر یاتیدی گر،آج
.
باشون یاراسینون آخدوقجا بستره قانی
بلالی قیزلارین اوغلانلارین چخور جانی
.
بابا، بابا نقدر باشیمه بلا گلدی
ئورگیمون باشینی تیر ابتلا دلدی
.
اوشاقیدوم آنامی اُلدوروب ثانی گوردوم
وروبدی اوت قاپی یاندی اوخیره سر گوردوم
.
منه دیردی آنام هر زمان ئورک سوزونی
شهیده گیتدی جهاندان خلاص ایدوب اوزونی
.
سنونده هر سوزون اولسا بویور خریدارم
که جانمه آلارام دردیوی وفادارم
.
گوزون آچوبدی بو سوزده امیر کلّ جهان
بویوردی آغلاما ای جسم زخمداریمه جان
.
بالا گرکدی سنه آغلیا آتان زینب
سنون مصائبون الدن آلار توان زینب
.
بو کوفیه سنی بیر گون سپاهیان یزید
اسیر ایدوب گتورللر ایدر غمون تشدید
.
حسین باشی جداده سنق کجاوه ده سن
باشدا قاره لچک لر ئورکده رنج و محن
.
او صحنه لر گوزومه زینبیم مجسّمدور
آخور عذاره سرشگیم چتین بیر عالمدور
.
ولی خطابه لرون دشمنی ایدر رسوا
حسین قانینی قویماز باتا او نطق رسا
.
اماندی آغلاما دالدا سن آغلیان گونلر
گیدر الیندن او گون یار و یاورون یکسر
.
گوزون دوشر آتاوون پایتختینه گریان
جدا باشندا حسینون اوخور سنه قرآن
.
قوتار بو سوزلری ویرمه ادامه «عینی فرد»
یازاندا آغلوری باطنده خامه«عینی فرد»
.
.
#حیدریه_شهادت
#یاراسینی_آقانون_ایندی_باغلوری_زینب
#ترکی
.
✍️ #زبدهالاشعار ✍️
.
ترکی حیدریه حیدریه_شهادت زبدهالاشعار عینی_فرد_زنجانی یاراسینی_آقانون_ایندی_باغلوری_زینب
شما میتوانید برای…
👉 https://sarmashg.ir/mag/?p=33600 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۹/۰۲/۱۵