--------------------
بلبل نجه عاشقدی گیدیب گلشنه باخسین #مهدیه #هدایت_تبریزی
#رمضانیه
.
✍️ زبده الاشعار ✍️
.
.
هدایت_تبریزی
.
بلبل نجه عاشقدی گیدیب گلشنه باخسین
گوز ده ایله عاشقدی کی دائم سنه باخسین
.
ناچاردی هردن وورا کپریک بو باخار گوز
کپریک ووروب آچجاخ سنه استیر گئنه باخسین
.
یوخ ذرّه گناهیم منیم ای ساقی مجلس
عاشقدی گوزل لر او رخ احسنه باخسین
.
سیمین تن عالم ئوزی گوز بورج ایلیوب دور
حسرتله تماشاده دی سیمین تنه باخسین
.
مین نذر و نیاز ایلورم اول نازلی نگاریم
مین نازیله گوز گوشه سی ئیله منه باخسین
.
یوخ دلده توانا ایده قلبیم سوزون اظهار
یاریم ، اولار اولسون کی من الکنه باخسین ؟
.
دارالخطر اولموش بو جهان ، یوخدی امانگاه
ماءمن هانی ؟ وحشت زده لر ماءمنه باخسین
.
زنّار لبین قلبمی زنجیره چکوبدور
کیمدور کی ئورک باشنین اوسته چنه باخسین
.
دل دردینی بیگانه بیلنمز نجه باخسا
لازمدی ئورک دردنی بیلسین ننه باخسین
.
گوز روزنی کی روزنهء دل دی یقیناً
دل اوردان همیشه گزوری روزنه باخسین
.
اول خرمن زلفونده ( هدایت ) نه گوروب کی
پیوسته تماشاده دی اول خرمنه باخسین
.
.
#بلبل_نجه_عاشقدی_گیدیب_گلشنه_باخسین
#ترکی
.
✍️ زبده الاشعار ✍️
.
بلبل_نجه_عاشقدی_گیدیب_گلشنه_باخسین ترکی رمضانیه مهدیه هدایت_تبریزی
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=33599 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۹/۰۲/۱۵