--------------------
بیر گون نمازه گلدی معاویۀ پلید #حیدریه #حضرتی_ناعمی
در مدح حضرت امیرالمومنین علیه السلام
✔️ حماقت معاویه
.
✍️ زبده الاشعار ✍️
.
.
علیرضا حضرتی ( ناعمی )
.
بیر گون نمازه گلدی معاویۀ پلید
الله گؤروم عذابینی ائتسون اونون شدید
.
چون باخدی گؤردی مسجده دولموش جماعتی
اول مردم عوامیده جهل و حماقتی
.
مغرور اولوب، غروریله اول رزل شر ناس
ئوز دوتدی عمروعاصه که باخ خلقه عمروعاص
.
باخ گؤر نه قدری واردی منیم جاه و حشمتیم
قیصردن ایندی چوخدی بو عالمده قدرتیم
.
پر باشیمه ویرور هامی پروانه‌لر کیمین
الحق گرک بئله اولا اجلالی حاکمین
.
چون عمروعاص درک ائدوب ابراز فضلینی
فوراً مخاطب ایلدی همراه رزلینی
.
مغرور اولما سویلدی چوخ بو جماعته
فخر ایلمه بو خلقیده اوج جهالته
.
بو خلقین عقلی اولسا سعادت یولون تاپار
تحقیق ائدوب جهاندا ولایت یولون تاپار
.
بو خلقین عقلی اولسا سنیلن عتاب ائدر
بوشلار سنی علینی امیر انتخاب ائدر
.
باور اگر یوخوندی، بو گمراه ملّتین
من ثابت ایلرم سنه بو گون حماقتین
.
القصه صفلر اولدی همان بزمیده بپا
دوردی نمازه نخوتیلن اشقی الاشقیا
.
چون کی نماز مردم شام، اولدی یکسره
تئز عمروعاص چیخدی او مأواده منبره
.
حین مقالیده دئدی اول شوم بو سؤزی
فرمایش ایلیوبدی رسول خدا اؤزی
.
دنیاده هر کیمون یئتیشه بورنونا دیلی
عقباده جنّتون اولاجاق فوری داخلی
.
بو نقل قولی مردم بی‌عقل خوشلادی
نائل اولا بو فیضه هامی سعیی باشلادی
.
چون عمروعاص چؤندی معاویه‌یه دئسین
آگه اونی حماقت حضاره ایلسین
.
گؤردی خود معاویه‌ده آللانوب بونا
سعی ایلوری دیلین یئتیره یعنی بورنونا
.
بیر باخدی اول خبیثه، بیر احمق جماعته
حیران قالوب او شوم و دغاده حماقته
.
بیر سؤز دئدی کی شعریمه یاخشی پیام اولار
احمق جماعته ائله احمق امام اولار
.
.
#حیدریه_مدح
#بیر_گون_نمازه_گلدی_معاویۀ_پلید
#ترکی
.
✍️ #زبدهالاشعار ✍️
.
بیر_گون_نمازه_گلدی_معاویۀ_پلید ترکی…
👉 https://sarmashg.ir/mag/?p=33597 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۹/۰۲/۱۵