--------------------
ائتدی زمانه ایندیه دین کامران کیمی #پندیات #دلریش
پندیات
.
✍️ زبده الاشعار ✍️
.
.
مرحوم دلریش
.
ائتدی زمانه ایندیه دین کامران کیمی
آغلاتمامیش ائدوبدی فلک شادمان کیمی
.
بیر عیش ایستین دوزه مین نیشینه گرک
آسوده قویدی چرخ دیون بیر زمان کیمی
.
چوخ سرکش اولما عمرون عبث ایلمه تلف
بسدور اویان گئچیتمه بهارون خزان کیمی
.
دوشمز اله همیشه بو درّ گرانبها
مصروف قیل یرینده بونی عاقلان کیمی
.
دارالفنا دیوبله بو دنیایه ای گوزوم
عبرتله باخ گوراخ گوره سن جاودان کیمی
.
دارا هانی سکندر و جمشید جم هانی
یاتمیشلا زیر خاکده نوشیروان کیمی
.
دنیا که واردی مزرعۀ آخرتدی بول
اوز اکدیقون ثمر وئره جاق باغبان کیمی
.
قویما کناره بیرجه قدم شاهراهدن
طی ائت بو راه آخرتی سالکان کیمی
.
یول چوخ اوزاخدی توشه گوتور اولما منفعل
سرمنزله یتور اوزون آسودگان کیمی
.
تا قویماسان کناره مجازی حقیقته
یول تاپماسان یولی ایتورن کاروان کیمی
.
عشق عالمینده بو محک امتحاندن
هئچ کیمسه چیخمادی شه لب تشنه گان کیمی
.
.
#ائتدی_زمانه_ایندیه_دین_کامران_کیمی
#ترکی
.
✍️ #زبدهالاشعار ✍️
.
ائتدی_زمانه_ایندیه_دین_کامران_کیمی پندیات ترکی دلریش زبدهالاشعار
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=33596 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۹/۰۲/۱۵