--------------------
زبانحال حضرت زینب (س) خطاب به اهل کوفه ۵۲۱۲
متن نوحه —-> زبانحال حضرت زینب (س) خطاب به اهل کوفه ۵۲۱۲
زبانحال حضرت زینب (سلام الله)
خطاب به اهل کوفه
ای اهل کوفه بیزه ظلم بیشمار ایلدوز
بو جور ظلمیله دنیانی داغدار ایلدوز
دیار کرب و بلاده او قدر قان توکدوز
تمام ظلموزی دنیایه آشکار ایلدوز
همان او کوفه لی سیز ، قان توکن آدوز قالدی
ئوزوزی حشره کیمی خوار روزگار ایلدوز
آدوز گلنده سیزون خلق نفرت ایلیه جاق
جهاندا دامنوزی گور نه لکه دار ایلدوز
ریاستوزدن اوتور داندوز حکم قرآنی
بنای دینی یخوب ایله تار مار ایلدوز
نه سوز دیوم سیزه؟ ایتمز اثر او کسلرسوز
پیمبر اوغلونی ئولدوردوز افتخار ایلدوز
نشان ویروم ئوزیمی سیزلره بولون کی کیمم
حقارتیله اگر داخل دیار ایلدوز
منم علی قیزی زینب ، حسن حسین باجیسی
ندندی خوار گوزیله منه نظار ایلدوز؟
بو شهر کوفه ده بش ایل آتام خلافت ایدوب
اولاندا مشگلوز اول شاهه واگذار ایلدوز
مگر دگلسوز او کس لر بو شهر کوفیه من
گلنده باشیمه عزتله گل نثار ایلدوز
منه بو شهرده بیحد حرمتوز اولدی
ملول اولاندا گلوب داده آه و زار ایلدوز
یوخ ایندی الده جلالیم ، سویولموشام بیلدوز
ئوزوزی مندن اودور بله کنار ایلدوز
جهان خراب اولا ، بیلدوز ئولوبدی قارداشیم
یوزوزه پرده بی قیدی استتار ایلدوز
عروس باشینه گل سپمدوز سوزوم یوخدی
منی عروسدن هر چند شرمسار ایلدوز
حسینمون باشی بیر گون سیزه قوناخ گلدی
او باشی نوک جدا اوسته سنگسار ایلدوز
گوروبدی کیم یارالی باشی سنگسار ایده لر؟
بو ظلمیله دل زهرانی داغدار ایلدوز
عجب قوناق یولا سالدوز بو گون ایویز آباد
ایشیق گونی گوزیمه ایله لیل تار ایلدوز
رقیمون یولی بیر دفعه شهروزه دوشدی
بو نازنین بالانی محنته دچار ایلدوز
پیمبرین نوه سی آغلیاندا کف چالدوز
نه شرم ایدوب نه رسول خدادن عار ایلدوز
بوله بوله کی ربابون ئولوبدی سود امری
بو زار و بی کسی محنتله…
👉 https://sarmashg.ir/mag/?p=20564 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۸/۲۰