سرمشق انتظار

--------------------

دور ای یاره لی قلبه یارا گوز آچ #فاطمیه

زبانحال حضرت امیرالمومنین حضرت علی (ع) به صدیقه طاهره حضرت فاطمه زهرا (س)

بعد از شهادت

.

✍️ #زبدهالاشعار ✍️

.

🆔: @sarmashg_channel

.

حاج علی #زلفی_تبریزی

.

دور ای یاره لی قلبه یارا گوز آچ

یوخوم صبر و تاب و شکیبا گوز آچ

منی یاندروب یاخما زهرا گوز آچ

اولوب حیدره تنگ دنیا گوز آچ

سن ای وارث میر بطحا گوز آچ

.

.

گیوب قاره بو غمده نه آسمان

سیخوب قلبیمی ظلم و جور زمان

یوخوم رغبتیم بو جهانه اینان

گوز آچ قالمیشام یانه یانه اویان

غمونده اولوب دیده دریا گوز آچ

.

.

منی یاندروب پشت در قالماقون

تهاجم گونی گول کیمی سولماقون

بیر اللی قونوتی ادا قیلماقون

یخار مرتضانی اینان اولماقون

امید دل شاه لولا گوز آچ

.

.

ایدورسن بیله ترک بو آشیان

بو گیتماقدا زینب اولار باغریقان

حسین باشلیوب ماتمونده فغان

حسن دیده سی گور اولوب خونفشان

اوجالمیش ایویمده نه غوغا گوز آچ

.

.

خزان اولدی باد ستمله گولون

ولایت یولوندا سنوبدی قولون

منی اولدورر فاطمه نسگیلون

جفای عدودن قان اولدی دیلون

وجودی چو بشکسته طوبی گوز آچ

.

.

نه وار گیتماقا سنده رغبت خانم

اولوب ایستگون تیز اجابت خانم

سینونده واروندی جراحت خانم

یوزونده جفادن علامت خانم

اورک اولدی بزم غم افزا گوز آچ

.

.

دایان (زلفی) طول اولماسین مطلبین

چاغور داده هفت آسمان کوکبین

آدون ذکر ایله باغریقان زینبین

بو اولسون هامی ورد روز و شبین

سن ای وارث میر بطحا گوز آچ

.

.

.

#سبک
http://zobdatolashaar.ir/wp-content/uploads/2020/01/دور-ای-یاره-لی-قلبه-یارا-گوز-آچ.mp3
.

#فاطمیه_شهادت

#دور_ای_یاره_لی_قلبه_یارا_گوز_آچ
#زلفی_تبریزی

#ترکی

.

✍️ #زبدهالاشعار✍️

.

🆔: @sarmashg_channel

ترکی دور_ای_یاره_لی_قلبه_یارا_گوز_آچ زبدهالاشعار زلفی_تبریزی سبک فاطمیه فاطمیه_شهادت

شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما…

👉 https://sarmashg.ir/mag/?p=31687 🌐
————————
#⃣ #اشعار_و_مدایح #زبده_الاشعار

@sarmashg_channel

مشاهده مطلب در کانال