سرمشق انتظار

--------------------

ای برج ابتلاده غملر هلالی زهرا #فاطمیه

«زبانحال حضرت امیر(ع) بر پیکر حضرت زهرا(س)»

.

✍️ #زبدهالاشعار ✍️

.

🆔: @sarmashg_channel

.

.

#مصیبی_تبریزی

.

.

ای برج ابتلاده

غملر هلالی زهرا

باشدان علی نی آتدون

باشی بلالی زهرا

.

«ایوای یارالی زهرا

ائلدن آرالی زهرا»

.

.

یاندی منیم بهاریم

صولدی گولوم خزاندا

فکر ائتمه من باخوردیم

درگاهیمیز یاناندا

گوللر یاناندا والله

یانمیشدی باغباندا

یاندیردی اود نهال و

هم نونهالی زهرا

.

.

.

شرح فراقی یازما

سن لوح عالمینه

ترک ائتمه دورت بالاوی

باخ ائوده شور و شینه

رحم ائتموسن منه گر

رحم ائت بالان حسینه

قرآن تلاوت ایلور

محزون نوالی ، زهرا

.

.

.

کیم بولسه آسماندا

اولدوزلارا شماره

اوندا بولر نه قدری

قلبیمده واردی یاره

زینب فغان ائدنده

یاره دگور دوباره

آغلار قالوب ائویمده

زهرا مارالی زهرا

.

.

.

نار جفاده یاندون

شور ولایه خاطر

درد آشناسی اولدون

درد آشنایه خاطر

سینه ن بلشدی قانه

تک مرتضایه خاطر

گئتمزمنیم باشیمدان

هجرون خیالی زهرا

.

.

.

واللهی سیندی سن سیز

شخصیت مدینه

سندن صورا پوزولدی

حیثیت مدینه

راحت یاتون دئدیم من ؛

جمعیت مدینه

سوغات آپاردی بوردان

نیلی جمالی زهرا

.

.

.

بو دوزدی مرتضانی

هجرون غمه سالان دی

اما بو غم ده یانماق

تک زینبه قالان دی

مجموع قدرتیم ، بو

دورت خورداجا بالان دی

عرشه چاتور علی نین

درد و ملالی زهرا

.

.

.

ای نور چشم طاها

وی آبروی حیدر

ایللر اولار«مصیب»

بو نام پاکی سسلر

فکر ایله وئرمه سن سس

بو قلبی یاره نیلر

دیلده آدون ، گوزتلر

یتسون زوالی زهرا

.

.

#سبک های مشابه

.

#سبک_احوالیمیز_یاماندی … بیش از ۱۰ سبک

.

#سبک_ای_اکبرین_مارالی

با اضافه کردن واگیر مناسب

((یا فاطمه ، ایوای یارالی زهرا

یا فاطمه ، ائلدن آرالی زهرا))
.

.

#فاطمیه_شهادت

#ای_برج_ابتلاده_غملر_هلالی_زهرا

#ترکی

.

✍️ #زبدهالاشعار✍️

.

🆔: @sarmashg_channel

ای_برج_ابتلاده_غملر_هلالی_زهرا ترکی زبدهالاشعار سبک سبک_احوالیمیز_یاماندی…

👉 https://sarmashg.ir/mag/?p=31686 🌐
————————
#⃣ #اشعار_و_مدایح #زبده_الاشعار

@sarmashg_channel

مشاهده مطلب در کانال