--------------------
آغلاما آز آغلا آغلار گوزلرین قربانی زینب
زبانحال حضرت علی (ع) به حضرت زینب (س) در شهادت حضرت زهرا (س)
.
✍️ زبده الاشعار ✍️
.
.
#اشکی_تبریزی
.
#سبک_ای_ویرن_ویرانه_یرده … ۴ سبک
.
آغلاما آز آغلا آغلار گوزلرین قربانی زینب
ای قویان آغلارغمینده دیدۀ دنیانی زینب
.
.
گرچه وار حقّین یانورسان آغلوسان زهرا غمینده
هر قیزین ئولسه آناسی سینه داغلار ماتمینده
فاطمه اما سفارش ایلیوب آخر دمینده
قویما چوخ عرشه اوجالسین ناله و افغانی زینب
.
.
من اؤزومده سندن آرتوخ اولموشام بو غمده دلگیر
ایلرم دلدن همیشه نالۀ جانسوز شبگیر
سن ائدنده ناله ایلور قلبیمه بیحدّ تاثیر
یادیمه چونکه سالورسان روز عاشورانی زینب
.
.
درد و محنت عالمینده نائبه زهرایه سنسن
کنزغم زینب آدیندا تک گلن دنیایه سنسن
صبر ایله صبریله دینه چون ویرن پیرایه سنسن
بار محنتله بوکرسن بو قدِ رعنانی زینب
.
.
ای مصیبتلر آناسی گلمه بیر بیله نوایه
آغلاما گلمه نوایه غصّه ویرمه مرتضایه
گوزلرین قربانی ساخلا گوز یاشین کرببلایه
غرق ایدر فُلک نجاتی اوندا غم طوفانی زینب
.
.
آغلاماق وقتی او گوندور قلبیوی غمله سیخالّار
ظلمیله اوغلوم حسینی صدر زین اوستن یخالّار
آدینی مسلم قویانلار دین و ایماندان چیخالّار
برملا ویران ایدلَّر خانۀ ایمانی زینب
.
.
سن او گون دشت بلاده ایله سن دینه حمایت
خیمیه یوز دوندره نده لشکر اهل شقاوت
اهلبیت مصطفانی اهل کین ایللَّه غارت
چوللره قویما داغیلسین عترت طاهانی زینب
.
.
یوم عاشورا او گوندور ای دُر گنج امامت
محشر کبری او گوندن فرض اولار بیرجه علامت
قامت سروین کمانه دوندرر بار مصیبت
قانیله تفسیر ایدن گون قارداشین قرآنی زینب
.
.
فاطمه هر چند لایقدور نوا و شور شینه
بی سبب فریاد و دادیله بو گون دولموب مدینه
کربلانی یاد ایدر هر دم اؤزی آغلار حسینه
چون اودور دشت بلاده دین حق قربانی زینب
.
.
حمد قیل (اشکی) خدایه تازه…
👉 https://sarmashg.ir/mag/?p=31663 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۱۱/۲۹