--------------------
دیلده قدرت وار مگر زهرانی تعریف ایلیم
مدح حضرت زهرا (س)
.
✍️ زبده الاشعار ✍️
.
.
#رسول_بابایی (شاهد زنجانی)
.
دیلده قدرت وار مگر زهرانی تعریف ایلیم
نور عین دختر طاهانی تعریف ایلیم
.
کمترم من قطره دن دریادی بانوی جهان
بو زبان قاصردی تا دریانی تعریف ایلیم
.
مثل باران رحمتی سرشاریدور بو عالمه
من باشارمام رحمت عظمانی تعریف ایلیم
.
بضعه منی دیوب زهرایه ختم المرسلین
من کیمم تا عصمت کبرانی تعریف ایلیم
.
سوره کوثر اونون شانینده قرآندا گلوب
من هارا کوثر هارا قرآنی تعریف ایلیم
.
مفخر طاها خانم باشدان ایاقه نوریدور
من باشارمام سرور نسوانی تعریف ایلیم
.
روزمحشربوخانم ئوزشیعه سین امدادائدر
یوخ لیاقت شافع عقبانی تعریف ایلیم
.
بو خانم کیمدورمگر طاها ئوپردی اللرین
یوخ توانیم بو گل رضوانی تعریف ایلیم
.
جان جاناندور خانم بیر پارچا ایماندورخانم
پنج تن ایچره نجه جانانی تعریف ایلیم
.
فاطمه آدی گلن یرده علیدن ذکر اولار
هانسی الفاظیله من مولانی تعریف ایلیم
.
شیعه نین اعمالینه امضا ورار ام الحسین
یوخ بصیرت منده تا امضانی تعریف ایلیم
.
تکدی زهراتک یاراتمش کردگارذوالجلال
دل دوداق تترور گل یکتانی تعریف ایلیم
.
مردنی احیا ائدر اذن اولسا گر داداریدن
عقلیم عاجزدی دم عیسانی تعریف ایلیم
.
بوذروسلمان اونون درگاهینه اولمش دخیل
درگهینده من گرک سلمانی تعریف ایلیم
.
بیرده تکرار ایله شاهد اولین مصراعی سن
دیلده قدرت وار مگر زهرانی تعریف ایلیم
.
.
#فاطمیه_مدح
#دیلده_قدرت_وار_مگر_زهرانی_تعریف_ایلیم
#ترکی
.
✍️ #زبدهالاشعار ✍️
.
ترکی دیلده_قدرت_وار_مگر_زهرانی_تعریف_ایلیم رسول_بابایی زبدهالاشعار فاطمیه_مدح
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=31667 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۱۱/۲۹