--------------------
حیدره ای روح وروان فاطمه
زبانحال حضرت علی (ع) در شهادت حضرت زهرا (س)
.
✍️ زبده الاشعار ✍️
.
.
کربلایی فخرالدین اسکندری«جائد»
.
حیدره ای روح وروان فاطمه
آچ گوزیوی یاتما اویان فاطمه
سیلی گوگردن یوزون
جان علی آچ گوزون
.
.
.
فخرزمین فخرزمان فاطمه
اسوه ی نسوان جهان فاطمه
حوروملک عزتیوین حسرتی
طاهره مرضیه نشان فاطمه
.
.
.
دلبرودلدار علی آچ گوزون
یارومددکار علی آچ گوزون
دهریده تنها سنیدون فاطمه
یکه هوادار علی آچ گوزون
.
.
.
گوزیاشیم القانه دونوبدور منیم
محفلیمون شمعی سونوبدور منیم
آچ گوزیوی فاطمه گور قامتیم
چوبه ی چوگانه دونوبدور منیم
.
.
.
باخ نجه گور دیده سی قاندور علی
ناله سی صد آه وفغاندور علی
گلشنیمون زینتی گور غصه دن
فاطمه جان قدی کماندور علی
.
.
.
فاطمه جان زینبی آغلاتما دور
گوزیاشیمی خون دیله قاتما دور
ام ابیهای نبی فاطمه
سیندی بلیم جان علی یاتما دور
.
.
.
مام حسن مام حسین آچ گوزون
زینبه ای نوردوعین آچ گوزون
گورنجه قانیاش الیور صورته
فاتح بدریله حنین آچ گوزون
.
.
.
هجریوه قان آغلیوری مرتضی
سینه سینی داغلیوری مرتضی
سینه سی آماج محن گوزده یاش
گوزلریوی باغلیوری مرتضی
.
.
.
دهریده آز سنیده جاندان دویان
گوزدن آتان زینبی، یاتما اویان
عرشه چیخوب آه وفغانیم منیم
یاتما دور ای حیدری یالقوز قویان
.
.
#سبک_نطقه_گل_ای_شاه_شهیدان_حسین
#سبک_ای_باشی_سرنیزده_معراج_ایدن
.
#فاطمیه_شهادت
#حیدره_ای_روح_و_روان_فاطمه
#جائد_زنجانی
#ترکی
.
✍️ #زبدهالاشعار ✍️
.
ترکی جائد_زنجانی حیدره_ای_روح_و_روان_فاطمه زبدهالاشعار سبک_ای_باشی_سرنیزده_معراج_ایدن سبک_نطقه_گل_ای_شاه_شهیدان_حسین فاطمیه_شهادت
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=31666 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۱۱/۲۹