--------------------
ای منیم دار و نداریم آچ گوزون دیندیر علینی
زبانحال حضرت علی (ع) بر بالین حضرت زهرا (س)
.
✍️ زبده الاشعار ✍️
.
.
سبک : ای وئرن ویرانه یرده … عمه بو ویران سراده …
.
.
کربلایی رحیم شایان
.
ای منیم دار و نداریم
آچ گوزون دیندیر علینی
ای وفالی پاسداریم
آچ گوزون دیندیر علینی
.
ظلم و جور اشقیادن
اولدون ای مه رو یارالی
گوزلرون یومدون جهاندان
سینه و پهلو یارالی
.
.
دوققوز ایل یثربده منلن هر مصیبت ده دایاندون
حق حریمیندن دفاعده منله باهم دالدالاندون
محسنین گیتدی الیندن من یانان محنتده یاندون
ای عزیز داغداریم آچ گوزون دیندیر علینی
.
.
.
یوز یوزون اوءلدوردی زینب عرشه قوزانمیش صداسی
نیلییر قیز قبره آیا رهسپار اولسا آناسی
آغلارام یاننام یولونجه اولمادی دردین دواسی
گیتدی الدن اختیاریم آچ گوزون دیندیر علینی
.
.
.
گون به گون رنگین سارالدی ضرب سیلی ضرب دردن
بیوفا امت الیندن اود دوتوپ یاندون جگردن
غملره توش اولدون آخر ملت بی پا و سردن
ای ولایت جان نثاریم آچ گوزون دیندیر علینی
.
.
.
غسلیوی ویرجک گوروردوم سینه دن قانون آخوردی
آغلییردیم سو توکوردی حالیمه اسما باخوردی
عالم بالانی زهرا یاندیریپ حالون یاخوردی
ای سینیق قلبه قراریم آچ گوزون دیندیر علینی
.
.
.
#سبک_ای_ویرن_ویرانه_یرده … ۴ سبک
.
.
#فاطمیه_شهادت
#ای_منیم_دار_و_نداریم_آچ_گوزون_دیندیر_علینی
#شایان_ارومیه
#ترکی
.
✍️ #زبدهالاشعار ✍️
.
ای_منیم_دار_و_نداریم_آچ_گوزون_دیندیر_علینی ترکی زبدهالاشعار سبک_ای_ویرن_ویرانه_یرده شایان_ارومیه فاطمیه_شهادت
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم هستند که شما با جستجو کردن در این سایت میتونید به صورت رایگان از آنها استفاده کنید.
اشعار و مدایح
زبده الاشعار
👉 https://sarmashg.ir/mag/?p=31623 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۱۱/۲۸