--------------------
زبانحال حضرت رباب (س) در راه شام ۵۲۱۹
متن نوحه —-> زبانحال حضرت رباب (س) در راه شام ۵۲۱۹
زبانحال حضرت رباب (سلام الله)
در راه شام
ای نیزه ده گوزل باشی قرص قمر اوغول
ای کاش آنان رباب اوله ای سود امر اوغول
من ناقه ده سنه باخورام سنده نیزه ده
آچ گوزلرون بو بیکسه ایله نظر اوغول
توز توپراقا قانا بلشن قاره تللرون
قلبیم کیمی صبا توخوناندا اسر اوغول
صیاد ایتسه صید بیر آهو بالاسینی
چوللرده چاره سیز آناسی هی ملر اوغول
واقف بو سردن اولا بولمز هامی اولا
صحرالری آنان نیه حیران گزر اوغول
حیرت دیشینده بارماقی چوخلار باخار سنه
بی اختیار صورته اشگین دوزر اوغول
بعضی هلاله بعضی گونه بنزدر باشون
بعضی سهیل اولدوزونا بنزدر اوغول
آت اویناداندا خوردا باشون نیزه دن دوشر
یوخ قاتلونده رحمدن اصلا اثر اوغول
منله کجاوه یولداشی قاسم آناسیدور
من آغلیاندا اودا منه سس ویرر اوغول
آلسا اگر سو جامی اله چاره سیز آنان
میل ایلینده سو، سودا عکسون گورر اوغول
سینمده یادگاریدی درناقلارون یری
بو یادگار قبره منیله گدر اوغول
اگ باشوی جداده اوپوم قانلو لبلرون
بلبل بو رسمیدور گلون ایلر اوپر اوغول
چوخ چوخ گیجه یاتوب یوخودا شوریله سنه
گهواره ی خیالیده لایلای دیر اوغول
دوتقون سسیم منیم داخی یتمور جدالره
بوندان سورا صبا سنه لایلای دیر اوغول
👉 https://sarmashg.ir/mag/?p=20556 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۸/۱۹