--------------------
عزا دوتانلار اولون مهیا گلورغم آیی محرم آیی
ورود به ماه محرم
.
✍️ زبده الاشعار ✍️
?: @sarmashg_channel
فتح الهی
.
عزا دوتانلار اولون مهیا
گلورغم آیی محرم آیی
لباس ماتم گیون سراپا
گلورغم آیی محرم آیی
.
.
.
حسینون عشقی اولان ئورکده
گرکدی خون ولا دورولسون
بوتون لباس عزا گیلسون
حسینه بزم عزا قورولسون
نشان بزم عزا قرادی
بو قاره هر بیر یانا وورولسون
حسینه آغلار تمام دنیا
گلورغم آیی محرم آیی
.
صراط حقه حسین دالونجا
بنان خیرالبشر دوزولدی
منای عشقه صداقتیلن
صفیله یتمیش نفر دوزولدی
باخان دیردی او قانلی چولده
نظامه شمس و قمر دوزولدی
باتوبدی قانه عزیز زهرا
گلورغم آیی محرم آیی
.
دوشنده یاده حسینون آدی
ئورک دونر قانه گوزلر آغلار
یازاندا ذکر مصیبتیندن
قلم سیزیلدار جهانی داغلار
بصیرتیله باخاندا گورّم
حسین قراسین حسنده باغلار
بو آیدا زهرا دیرحسین وای
گلورغم آیی محرم آیی
.
بو روزگاری محرم آیی
ایدن منوّر حسیندی گون تک
بیزه مدال شرافت اولموش
او قاره پرچم بو قاره کوینک
اورک تلاطم ایدر لباسِ
عزانی هر بیر بدنده گورجک
حسینون عشقی اولور هویدا
گلورغم آیی محرم آیی
.
حسینچی یکسر صداقتیلن
حسین یولوندا قدم وورالّار
دوتالّا دسته دیلّه نوحه
هر الّی متره علم وورالّار
کیم آغلیوب کیم وروبدی سینه
گُنه لرینه قلم وورالّار
اولارابوالفضل الیله امضا
گلورغم آیی محرم آیی
.
حسینچی ئولسه قرا باشیندا
او قاره اوندان حمایت ایلر
وار اعتقادیم او قاره ایلن
آقام حسینی زیارت ایلر
اگر حسینه دوز آغلیوبدور
جزا گونونده شفاعت ایلر
هدایت ایلر بهشته مولا
گلورغم آیی محرم آیی
.
#سبک_آچیلدی_پرچم ( ۱۰ سبک )
#ورود_محرم
#عزا_دوتانلار_اولون_مهیا
#فتح_اللهی_شاکر
#ترکی
.
✍️ #زبدهالاشعار ✍️
?: @sarmashg_channel
ترکی زبدهالاشعار سبک_آچیلدی_پرچم عزا_دوتانلار_اولون_مهیا فتح_اللهی_شاکر ورود_محرم
شما میتوانید برای پیدا کردن محتوای مشابه به دسته بندی و برچسب های این مطلب و یا به مطالب مرتبط در زیر این مطلب مراجعه کنید مسلما اشعار دیگه ای هم…
👉 https://sarmashg.ir/mag/?p=15192 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۱۱/۱۲