--------------------
شورش که سالار عالمه شوریده سر عاشق
شرط عشق چیست ؟ و عاشق کیست ؟
مناسک حج حسینی
.
✍️ زبده الاشعار ✍️
.
🆔: @sarmashg_channel
.
مرحوم #سعدی_زمان
.
شورش که سالار عالمه شوریده سر عاشق
معشوق پرست ایستر اولا هر بشر عاشق
.
مالک اولا هر مامَلَکِ عالمِ عشقه
عالمده هامی مامَلَکندن گیچر عاشق
.
ترکِ وطن ایلر گوتورَر اهل و عیالین
خائِف یَتَرَقَّب گیجه باشلار سفر عاشق
.
بیر مرغِ قطا تک بالالار زیرِ پرینده
صیّادین اَلیندن وورار آهسته پر عاشق
.
یوز کعبۀ مقصوده طرف کعبیه مُحرِم
یولّاردا دِیَر غملره لبّیک لر عاشق
.
تا مأمنِ عالم ایدر اول مأمنی مسکن
احساس ایدر اوز عشقینه خوف و خطر عاشق
.
هولیله گینه دالدالانار حولِ حرمده
وقفه یتوشر فرصتی ویرمز هَدَر عاشق
.
باشلار قوتارار عُمره طوافیله نمازین
سعیِنده گورَر دوره ده بیر شور و شَر عاشق
.
ناچار قویار حَجّنون اعمالینی ناقص
تکمیلین ایدر عشقیله مدِّ نظر عاشق
.
تقصیرین ایدرکوفه دیارینده همان گون
اَل نایبِ خاصّندان او یردن اوزَر عاشق
.
تقصیرده معلوم اولونار سیرتِ حجّی
تحلیقه گوراخ نیلیه نیکو سِیَر عاشق
.
باغلار حرمِ کعبه دن احرامِ محبّت
اوز حجّنه لایق عرفاته کوچَر عاشق
.
عشقیله گیجه گوندوز ایدر طیِّ منازل
چوخ آز او اوزاق یولّاری منزل کَسَر عاشق
.
همره لَرینی یولدا چه مُسلِم چه نصارا
بیراهه گیدنلر آراسندان سِچَر عاشق
.
ذیحجّ قوتارار شهرِ محرّم ایکیسنده
مقصودی اولان مقصدِ عشقه یِتَر عاشق
.
مجبور اولی صحرایِ بلایاده وقوفه
رسمِ عرفاتیله او چولده دوشر عاشق
.
قرآن اوخویانلاردان آلار بیر گیجه مهلت
قرآنه اوزی باشدان اَیاقه سُوَر عاشق (۱)
.
تسخیر قیلار باختری خسروِ خاور
اُردوی همایونه اولار رَه سِپَر عاشق
.
مغربده جماعتله قیلار شام نمازین
ایلر شبِ عاشورینی مَشعر خبر عاشق
.
بیر شورشِ محشر قوپار اوندا بو خبردن
محشر چولینه مشعرینی دوندَرَر عاشق
.
خالی ایدر اغیاردن اَحبابِ حریمین
نامحرمی…
👉 https://sarmashg.ir/mag/?p=31701 🌐
————————
#⃣ #اشعار_و_مدایح #زبده_الاشعار
@sarmashg_channel
🔘
🔗 دیدن متن کاملمشاهده مطلب در کانال
