--------------------
دیر راهب ۵۲۱۶
متن نوحه —-> دیر راهب ۵۲۱۶
دیر راهب
شوقیله آتوب ملک جهان فکرینی باشدان
قانلی باشیله زینت اورنگ جدایم
توحید منه مذهب و اسلام طریقت
دین کاخ مشید، من اونا اصل بنایم
بیر قافله عشق اهلینه یولّاردا باشیله
مهتاب کیمی پیشروم راهنمایم
مین عقده ی غم باخما واریمدور اورگیمده
هر کیم قالا مشکلده اونا عقده گشایم
من میر حجازم، شه بطحا، مه یثرب
من دیر نصاراده غریب الغربایم
واردور عطش آثاری بلی خشک لبیمده
فیض ازلی منبعیم، آب بقایم
من زنده ی جاویدم اگر کشته ی عشقم
دین اهلی فدادور منه، من دینه فدایم
تا غنچه ی توحید، شکوفا اولا جاوید
من فیض نسیم سحرم لطف صبایم
تا قافله ی نوع بشر آزمیه یولدان
انسانلارا حق ویردی ندا، من او ندایم
دین آینه سین شائبه ی کفر دوتانماز
قانیله بو آئینیه من نور و جلایم
راهب دیمه تثلیثدن ایت صحبت توحید
من مظهر توحید خدای دو سَرایم
اقطاری دوتار مشعل اسلام فروغی
من بارقه ی حقّم اونا نور و ضیایم
تا واردی جهان سولمیه جاق گلشن توحید
بو گلشنه من قانیمیله لطف و صفایم
عیسی دگولم وارث عیسای مسیحم
تا واردی جهان سولمیه جاق گلشن توحید
بو گلشنه من قانیمیله لطف و صفایم
عیسی دگولم وارث عیسای مسیحم
او روح خداونددی، من عین خدایم
من مفترض الطّاعه امامم ثقلینه
هرچند که بو امته مقتول جفایم
مرآت دلون شائبه ی شرکیدن ایت پاک
توحیدیله من دادرس روز جزایم
ای لطفی نصارایه ویرن عزت اسلام
لطف ایله شها بنده ی محتاج عطایم
گر اولمیه سن دادرسیم روز جزاده
ایوای منیم حالیمه چون غرق خطایم
گویا اولالی اسمیوه فیروزیدی بختیم
مستغنیم ارچند فقیر الشعرایم
سندنصورا یوخ کیمسه دن انعام امیدیم
من عابدم ای شاه بو درگاهه
شاعر : مرحوم استاد عابد خیابانی
👉 https://sarmashg.ir/mag/?p=20559 🌐
————————
#⃣ #متن_نوحه
🔘 🔗 دیدن متن کامل