--------------------
گل مصیبت عالمینده سخت اولوب کاریم باجی #عباسیه #شانی_تبریزی
زبانحال امام حسین (ع) به خواهرش زینب کبری (س) در شهادت حضرت ابوالفضل (ع)
.
✍️ زبده الاشعار ✍️
.
.
#سبک_زینبم_جان_اوستیم (۴ سبک سینه و زنجیر تک ضرب )
.
مرحوم شانی تبریزی
.
گل مصیبت عالمینده سخت اولوب کاریم باجی
قارداشیم ئولدی پوزولدی ایمدی پرگاریم باجی
.
.
گر چه ذلّت تاپماز اصلاً عزّ و جاه مطلقیم
ظاهراً اما بو صحراده پوزولدی رونقیم
ئولدی انصاریم قُشون سندی یخلدی بِیرَقیم
قالدی قولسوز خاک و خون ایچره علمداریم باجی
.
.
دوشمه میشدی قارداشیم عباس الیندن تا علم
لشکرین بولمزدی فاتح ابن سعد بد شِیَم
سالدیلار فرصت اله بوندان صورا اهل ستم
هر نه گلسه فکره ایلر قوم خونخواریم باجی
.
.
کوفه نین اول بی حیا خلقی ایله جرأت تاپار
اون نفر آتلی یارالی سینم اوسته آت چاپار
دیزلریم گلمیر اوزون گل اوخلانان مشگین آپاردی
چکمسین سو انتظاری خوردا قیزلاریم باجی
.
.
گرچه اوّلدن اولوب دام بلایه رام دل
ایمدی الدن گیتدی اما تاب دل آرام دل
نه گلور دیز نه گورور گوز نه اولور آرام دل
نه دوتور دل نه قالوبدی نطق گفتاریم باجی
.
.
گلمسون مطلب عجب وار حقی گوزلر گورمه سین
هیچ اوغولسوز بیر آتا داغ برادر گورمه سین
عصر اولاندا نعشینی ای کاش حرملر گورمه سین
من گورن تک گورسه دوزمز آل اطهاریم باجی
.
.
جان ویرنده اکبر اودلاندی جگر یاندی دلیم
وار دئدوم عباس تک بیر مهربان آرخام ایلیم
ایمدی ال اوزدوم حیاتیمدن داخی سئندی بلیم
گوئیا گئتدی الیمدن جمله انصاریم باجی
.
.
ایستدیم قربانگه حقده اوجالدام باشیمی
راه حقده ویردیم اون یدّی جوان هاشمی
اکبریم تک بیر اوغول عباس تک قارداشیمی
یاره تقدیم ایلدیم اولسون رضا یاریم باجی
.
.
جدّیم ابراهیم آپاردی گر منایه بیر اوغول
حق عوض گوندردی فوراً اولماسین هاجر ملول
لطفه باخ بیر گونده…
👉 https://sarmashg.ir/mag/?p=33670 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل