--------------------
احسن سنه لیلا نه گوزل گل بئجروبسن #اکبریه #معروف_اهری
میلادیه حضرت علی اکبر (ع)
.
✍️ #زبدهالاشعار ✍️
.
🆔: @sarmashg_channel
.
ابوالفضل عباسی معروفان اهری
.
احسن سنه لیلا نه گوزل گل بئجروبسن
یوخسا بو گلی جنت الاعلاده دروبسن
اولدوزدی کانه قدم ماهه سروبسن
الله بیزه لطف ایتدی بو زیبا گلی وئردی
هم لیلیه هم زینبیمه سویگلی ویردی
.
.
لیلا داخی اولماز بو گوزل ماهیله غمگین
اولدی ایوینون سفره سرمایه سی سنگین
تشریح ائلیوم قوی بو گولون شاخه و برگین
زینب باجی شاد اول بیزه خاطر سونوب گول
معناده گورک کیملره بنذور بو گوزل گل
.
.
یوزدن گوروسن بنذری وار جدینه زینب
بوی آلسا علی فخر ائدرم قدینه زینب
باخ گوزلری اوسته چکیلن مَدّینه زینب
محشردی ائدور زنده شه محشری اوغلوم
الحق که سالور یادیمه پیغمبری اوغلوم
.
.
بوندان بئله دوشسه یادیما جلوه طاها
باغسام یوزونه جلوه احمد اولار احیا
جدیم کیمی اکبر یارانوب چهره سی زیبا
معلوم اولونور قامتی رعنا اولاجاقدی
اکبر یارانوب اشبه طاها اولاجاقدی
.
.
شهلا گوزونون اوخشاری وار شیر خدایه
کیپریکلری شهلا گوزونون اوستونه سایه
قاشلاری کماندور که آتیر تیر ، بلایه
امر ائت بالاما ائللر اوزرلیک وئره دوده
بلکه قاشینون تیری دگه چشم حسوده
.
.
والله بالامی یئر یوزی تکریم ائده جاقدی
حوراده گلوب اکبره تعظیم ائده جاقدی
زینب بیلوسن کیم بونی تعلیم ائده جاقدی
آرزیم بودی اکبرده اولا معدن احساس
عشق و ادب و جنگی بونا ئورگدر عباس
.
.
بیر گون یتیشر بیر یل آزاد اولار اکبر
ارزنده جوان شاخه شمشاد اولار اکبر
عباس گر استاد اولا ، استاد اولار اکبر
قدرتده صلابتده ، گرک شیر نر اولسون
دریای ادب ائللرینه بال و پر اولسون
.
.
#اکبریه_میلادیه
#احسن_سنه_لیلا_نه_گوزل_گل_بجروبسن
#ترکی
.
✍️ #زبدهالاشعار ✍️
.
🆔: @sarmashg_channel
احسن_سنه_لیلا_نه_گوزل_گل_بجروبسن اکبریه اکبریه_میلادیه ترکی زبدهالاشعار معروف_اهری
شما میتوانید برای پیدا کردن محتوای مشابه به دسته بندی و برچسب های این…
👉 https://sarmashg.ir/mag/?p=33345 🌐
————————
#⃣ #اشعار_و_مدایح #زبده_الاشعار
@sarmashg_channel
🔘
🔗 دیدن متن کاملمشاهده مطلب در کانال
