--------------------
دولوبدور اشک شوقیله ایکی پیمانه یا زهرا
یا زهرا
.
✍️ #زبدهالاشعار ✍️
.
.
اکبر پورآقا
.
دولوبدور اشک شوقیله ایکی پیمانه یا زهرا
خمار باده ی نابم هانی میخانه یا زهرا
.
مبارک اسمون اسرار تجلای حقیقتدی
مثال شمعدور آدون جهان پروانه یا زهرا
.
بئله یانام سنون عشقونده ای مظلوم اولان معصوم
که قویسون آدیمی دنیا منیم دیوانه یا زهرا
.
دمادم سسلدون دلدن امیرالمؤمنین حیدر
علیاً حجه اللهی دئدون مردانه یا زهرا
.
سنون آیات برهانون هویدادور طبیعتده
یقین کُردور سنه هر کیم دئسه افسانه یا زهرا
.
نه تنها مصطفی حتی علیده اللرون اوپدی
دییردی پنج تن ایچره بیزه دردانه یا زهرا
.
سماوات و زمینده ماخلق دوشسه آغیر درده
گللّر دیلده «یا زهرا» هامی درمانه یا زهرا
.
سنون مِهرون بولوددور که یاغور هر دم بو گوزلردن
منیم قربان اولا جانیم بئله بارانه یا زهرا
.
تقاضا ایتمه میش، سندن کرامت گورموشم فورا
فقیرانه ایدورسن سن کرم شاهانه یا زهرا
.
دلیل لطف شایانون منه عشق حسین اولدی
حسینه یانمیان سنلن اولار بیگانه یا زهرا
.
شرافت سیز جماعت توکدی قانون حیدره خاطر
او مظلوم قان باتار؟ باتماز قسم قرآنه یا زهرا
.
او که غصب ایلدی حقون یقینا نسل شیطاندی
الی الحسرت اولا لعنت بوتون شیطانه یا زهرا
.
سنون اول درگهون که مهبط نوریدی گوگلردن
منیم باب امیدیمدی اگر چه یانه یا زهرا
.
عجب غمخانه دور دنیا نوای آشنا گلدی
علیدور بو دل شبده گلوب افغانه یا زهرا
.
اگر چه چوخ غریبم سن ولی آسوده خاطر یات
شکسته پر کبوتر تک گلوبسن جانه یا زهرا
.
حلال ایله منی آخر الیمده اولمادی چاره
گوزون هم سینون هم قلبون دونوبدور قانه یا زهرا
.
.
.
#فاطمیه_مدح
#فاطمیه_شهادت
#دولوبدور_اشک_شوقیله_ایکی_پیمانه_یازهرا
#اکبر_پورآقا
#ترکی
.
✍️ #زبدهالاشعار ✍️
.
اکبر_پورآقا ترکی دولوبدور_اشک_شوقیله_ایکی_پیمانه_یازهرا زبدهالاشعار فاطمیه_شهادت فاطمیه_مدح
شما میتوانید برای پیدا کردن…
👉 https://sarmashg.ir/mag/?p=31603 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل